Thamer Kina

थामेर किन छोड्यौ हातहरू
रोजेर किन तोड्यौ साथहरू
छोडेर गयौ सारा यादहरू
रोएर बिते मेरा रातहरू
दुई किनारहरू छोएर बग्ने
तिम्रो बानी मैले चिन्न सकिनँ
तिमी बग्यौ कुन सागरमा मिल्न
तिमी बग्यौ कुन सागरमा मिल्न
लहरहरू मैले भुल्न सकिनँ
धेरै बहारहरू लुटेर भाग्ने
तिम्रो कहानी मैले बुझ्न सकिनँ
तिमी उड्यौं कुन वसन्त भेट्न
ओइलिएर फेरि म फुल्न सकिनँ
थामेर किन छोड्यौं हातहरू
रोजेर किन तोड्यौं साथहरू
छोडेर गयौं सारा यादहरू
रोएर बिते मेरा रातहरू